Lífið

Prinsessan eignaðist dóttur

Oddur Ævar Gunnarsson skrifar
Prinsessan fyrir miðju á verðlaunaafhendingu Nóbels í fyrra. Hennar við hlið efnafræðingurinn John Jumper til vinstri og til hægri heilbrigðisfræðingurinn Gary Ruvkun.
Prinsessan fyrir miðju á verðlaunaafhendingu Nóbels í fyrra. Hennar við hlið efnafræðingurinn John Jumper til vinstri og til hægri heilbrigðisfræðingurinn Gary Ruvkun. EPA-EFE/CHRISTINE OLSSON

Sofia prinsessa af Svíþjóð er búin að eiga. Hún eignaðist dóttur klukkan 13:10 í dag. Þetta er fjórða barn hennar og Karls Filippusar.

Í tilkynningu frá sænsku konungsfjölskyldunni segir að móður og dóttur heilsist vel. Tilkynnt var um óléttuna í september síðastliðnum. Þá kom fram í sænskum miðlum að gott sem enginn hefði búist við því að hjónin myndu eignast eitt barn í viðbót.

Karl Filippus er annað barn konungs og drottningar. Þau Sofia gengu í hjónaband árið 2015 og eiga saman þrjá syni, þá Alexander, Gabríel og Julian. Þeir eru fæddir 2016, 2017 og 2021.

Voru fregnirnar af óléttunni sagðar hafa komið systkinum hins ófædda barns á óvart. Þær hafi vakið mikla gleði fjölskyldunnar sem var spennt á móti nýjasta erfingjanum.

Í frétt Aftonbladet um málið kemur fram að nafn litlu stúlkunnar verði tilkynnt síðar. Um það séu ákveðnar verkreglur og það sé konungsins að tilkynna um nafnið.

Svíþjóð Kóngafólk

Tengdar fréttir

Prinsessan er ólétt

Sofia prinsessa af Svíþjóð er ólétt og á hún von á sér í febrúar. Um verður að ræða fjórða barn hennar og Karls Filippusar, að því er fram kemur í sænskum miðlum þar sem segir að gott sem enginn hafi búist við því að hjónin myndu eignast eitt barn í viðbót. 



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.