Á­kærð fyrir að bana barni fyrir hálfri öld

Konan, sem heitir Janet Nix, er einnig sökuð um að hafa beitt bróður Andreu, þegar hann var fimm til átta ára gamall, ofbeldi en á þessum tíma var Nix sextán til nítján ára gömul.

Lögreglan segir Nix hafa þekkt börnin en ekki liggur fyrir hvernig. Rannsókn vegna dauða Andreu hófst ekki fyrr en árið 2022 eftir að bróðir Andreu, Desmond Bernard, steig fram og sagði frá því að Nix hefði beitt hann ofbeldi.

Hann hélt því einnig fram að Nix hefði þvingað systur hans ofan í sjóðandi heitt bað, svo hún hlaut alvarleg brunasár á um helmingi líkama hennar.

Nix var ákærð fyrir að valda dauða Andreu og fyrir ofeldi gegn barni.

Samkvæmt BBC mætti Nix fyrir dómara í dag, þar sem hún geri lítið annað en að segja nafn hennar, aldur og heimilisfang. Henni var sleppt gegn tryggingu en þurfti að afhenda vegabréf sitt. Réttarhöld eiga að hefjast þann 19. mars.