Enski boltinn

Haaland ekki í hópnum á móti Liverpool

Óskar Ófeigur Jónsson skrifar
Erling Haaland meiddist á hné í leiknum á móti Newcastle United um síðustu helgi og er nú að missa af öðrum leiknum í röð.
Erling Haaland meiddist á hné í leiknum á móti Newcastle United um síðustu helgi og er nú að missa af öðrum leiknum í röð. Getty/Robbie Jay Barratt

Manchester City verður án síns markahæsta leikmanns í stórleiknum á móti Liverpool í ensku úrvalsdeildinni í dag.

Erling Braut Haaland er ekki í leikmannahóp City en hann spilaði ekkert í leiknum á móti Real Madrid í Meistaradeildinni i vikunni.

Haaland meiddist á hné í 4-0 sigrinum á Newcastle um síðustu helgi.

Pep Guardiola, knattspyrnustjóri City, er nú búinn að tilkynna hópinn og þar er Haaland hvorki meðal byrjunarliðsmanna né varamanna.

Þetta gefur Liverpool manninum Mohamed Salah tækifæri til að auka forskot sitt á Haaland í baráttunni um Gullskóinn.

Salah hefur skorað fimm mörkum meira, 24 mörk á móti 19 mörkum frá Haaland.

Enski boltinn

Mest lesið


Fleiri fréttir

Sjá meira


×

Mest lesið