Innlent

Sagan skrýtna af nafn­gift Air Atlanta-flugfélagsins

Kristján Már Unnarsson skrifar
Arngrímur Jóhannsson, stofnandi Air Atlanta, segir söguna af því hvernig nafn félagsins varð til á hótelherbergi í Liechtenstein.
Arngrímur Jóhannsson, stofnandi Air Atlanta, segir söguna af því hvernig nafn félagsins varð til á hótelherbergi í Liechtenstein. Egill Aðalsteinsson

„Þessi er bara númer eitt. Ábyggilega með því besta sem hefur verið framleitt,“ segir einn reynslumesti flugvirki Icelandair, Kristján Þór Svavarsson, um Boeing 757-þotuna.

Flugútrás Íslendinga í gegnum áratugina, flugnýlendan í Lúxemborg, einstakur sess Boeing 757-þotunnar í samgöngusögu Íslands, Airbus-þotur í rekstri íslenskra flugfélaga og flugsamfélagið á Akureyri eru meðal þess sem fjallað er um í næstu þáttaröð Flugþjóðarinnar á Stöð 2.

Viðfangsefni þáttanna er flugstarfsemi Íslendinga en meðal fárra þjóða skipar flugið jafn stóran sess í samfélaginu, bæði sem atvinnuvegur og áhugamál.

„Við erum eitt örfárra fyrirtækja í heiminum sem er með starfsemi í sjö heimsálfum,“ segir Árni Hermannsson, framkvæmdastjóri Loftleiða Icelandic, leiguflugsarms Icelandair, en félagið flýgur meira að segja á Suðurpólinn.

Kristján Þór Svavarsson flugvirki hefur annast viðhald 757-vélanna frá því þær komu til Icelandair.Egill Aðalsteinsson

Í fyrsta þætti þann 18. mars verður stiklað á stóru í alþjóðaútrás íslenskra flugfélaga, allt frá því Loftleiðir og Flugfélag Íslands hófu á árunum fyrir 1950 að nýta DC-4 flugvélar sínar til leiguverkefna víða um heim.

Ameríkuflug Loftleiða markaði þáttaskil í sókn Íslendinga inn á alþjóðlegan samkeppnismarkað í áætlunarflugi. Í framhaldinu byggðist upp íslensk flugnýlenda í Lúxemborg sem vatt upp á sig með stofnun Cargolux.

Flugfreyjurnar María Björg Magnúsdóttir og Linda Hlín Þórðardóttir voru í áhöfninni sem kom með fyrstu Airbus-þotu Icelandair heim til Íslands.Egill Aðalsteinsson

Flugfélag Guðna í Sunnu, Air Viking, varð fyrst íslenskra flugfélaga til að sinna pílagrímaflugi. Á grunni þess reis Arnarflug og síðar einnig Air Atlanta og Íslandsflug sem öll áttu eftir að verða umsvifamikil á alþjóðlegum leiguflugsmarkaði.

„Ef hótel uppi í Ölpunum gæti heitið Atlanta þá væri það ágætt á flugfélag líka,“ segir Arngrímur Jóhannsson, stofnandi Air Atlanta, en í þættinum segir hann skrýtna sögu af því hvernig nafn félagsins kom til.

Fyrsta þáttaröð Flugþjóðarinnar var frumsýnd síðastliðið haust og má nálgast alla þættina í streymisveitu Stöðvar 2.

Flugþjóðin Fréttir af flugi Icelandair Play WOW Air Air Atlanta Boeing Airbus Keflavíkurflugvöllur Reykjavíkurflugvöllur Akureyrarflugvöllur Lúxemborg

Tengdar fréttir

Þegar við tölum um íslenskt flugævintýri þá er það í dag

„Miðað við stærð þjóðar þá erum við með mjög marga flugmenn á Íslandi og gríðarlega mikinn flugrekstur,“ segir Sigrún Bender, flugstjóri hjá Icelandair, í viðtali í þáttaröðinni Flugþjóðin, sem hefur göngu sína á Stöð 2 næstkomandi mánudagskvöld 2. september.

Þú finnur Íslendinga út um allan heim í fluginu

„Þetta er dálítið magnað hvað þú rekst á Íslendinga víða í þessum alþjóðlega flugrekstri. Þeir eru eiginlega út um allt. Þú rekst á Íslendinga ótrúlega víða,“ segir Baldvin Már Hermannsson, forstjóri Air Atlanta.

Koma fyrstu þotunnar einn af hápunktum flugsögu Íslands

Koma Gullfaxa, fyrstu þotunnar, er einn af hápunktum flugsögu Íslendinga. Í þættinum Flugþjóðin á Stöð 2 rifja fyrrverandi starfsmenn Flugfélags Íslands upp þætti úr sögu félagsins, þar á meðal daginn þegar Boeing 727-þotan lenti á Reykjavíkurflugvelli í júnímánuði 1967.

Akureyringar segja vöggu flugsins vera fyrir norðan

Flugáhugamenn sunnan og norðan heiða hafa löngum togast á um það hvort vagga íslensks flugs eigi að teljast vera í Reykjavík eða á Akureyri. Þótt fyrsta flugvélin á Íslandi hafið tekið flugið í Reykjavík halda Akureyringar því gjarnan fram að vagga flugsins sé í raun fyrir norðan.

Mest lesið


Fleiri fréttir

Sjá meira


×

Mest lesið