Hafa unnið FH tólf sinnum í röð

Mathias Rosenørn, markvörður FH, var ansi gjafmildur í leiknum í Víkinni í gær en Daníel Hafsteinsson skoraði tvö seinni mörk Víkings eftir mistök hjá honum.

Sigurinn í gær var tólfti sigur Víkings á FH í deild og bikar í röð.

FH vann Víking, 1-0, í Kaplakrika 17. september 2020 en hefur síðan ekki fengið stig gegn Fossvogsliðinu.

Eftir sigurinn í gær hefur Víkingur unnið síðustu ellefu deildarleikina gegn FH auk þess sem Víkingar sigruðu FH-inga, 3-2, í bikarúrslitaleiknum 2022.

Síðustu tólf leikir Víkings og FH

Víkingur og FH hafa alls mæst 57 sinnum í efstu deild. Víkingar hafa unnið 23 leiki, FH-ingar sautján og sautján hafa endað með jafntefli.