Sjó­vá tapar hálfum milljarði

Í tilkynningunni til Kauphallar kemur fram að tap að ávöxtun fjárfestingareigna í stýringu hafi verið mínus 1 prósent. 

Samsett hlutfall fyrsta árfjórðungs hafi verið 90,2 prósent, samanborið við 97 prósent í fyrra. Helstu niðurstöður úr uppgjörinu eru eftirfarandi:

• Hagnaður af vátryggingasamningum fyrir skatta 821 m.kr. (1F 2024: 242 m.kr.)
• Tap af fjárfestingastarfsemi fyrir skatta 1.126 m.kr. (1F 2024: 363 m.kr. hagnaður)
• Tap tímabilsins 540 m.kr. (1F 2024: 421 m.kr. hagnaður)
• Ávöxtun fjárfestingareigna í stýringu -1,0% (1F 2024: 1,2%)
• Samsett hlutfall 90,2% (1F 2024: 97,0%)
• Horfur fyrir árið 2025 eru óbreyttar og er afkoma af vátryggingasamningum fyrir árið 2025 og til næstu 12 mánaða áætluð 1.700 – 2.400 m.kr. og samsett hlutfall 93-95%

Erfitt árferði á verðbréfamörkuðum en frábær afkoma á vátryggingamarkaði

Haft er eftir Hermanni Björnssyni forstjóra Sjóvá að afkoma Sjóvár á fyrsta ársfjórðungi hafi litast af erfiðu árferði á verðbréfamörkuðum en afar góðri afkomu af vátryggingastarfseminni.

„Frábær afkoma af vátryggingasamningum, 821 m.kr. fyrir skatta sem er með betri fyrstu ársfjórðungum sem við höfum skilað. Tekjuvöxtur nam 3,6%, drifinn áfram af vexti á einstaklingsmarkaði. Tíðarfar var nokkuð hagfellt og tjónaþróun undir áætlunum á fyrsta ársfjórðungi og munar þar mest um jákvæða þróun í eignatryggingum á milli ára en ekkert stórtjón henti á fjórðungnum,“ segir Hermann.