Út­hluta eftir­standandi hlutum í Ís­lands­banka

Þegar var búið að úthluta fleiri en 815 milljón hlutum til 31.020 einstaklinga sem gerðu tilboð í tilboðsbók A í útboðinu. Sú leið var aðeins ætluð einstaklingum og nam upphæðin sem ríkið fékk fyrir hlutina 86,9 milljörðum króna að teknu tilliti til aðlögunar og leiðréttinga, að því er segir í tilkynningu frá fjármála- og efnahagsráðuneytinu.

Tilboð sem bárust í tilboðsbók B námu 84,3 milljörðum króna en sú leið stóð bæði einstaklingum og lögaðilum opin.

Úthlutanir í tilboðsbækur A og B námu heildarumfangi útboðsins og því verða engar úthlutanir í tilboðsbók C. Þeirri leið var bætt við rétt fyrir útboðið en var ætluð stórum fagfjárfestum.