Sport

Sau­tján ára Ís­lendingur vann brons í full­orðins­flokki

Ágúst Orri Arnarson skrifar
Leo bendir á bronsverðlaunahafann Guðmund Flóka.
Leo bendir á bronsverðlaunahafann Guðmund Flóka. taekwondosamband Íslands

Guðmundur Flóki Sigurjónsson keppti fyrir Íslands hönd í taekwondo og vann brons á opnu alþjóðlegu stigamóti í Lúxemborg. Leo Anthony Speight keppti einnig fyrir Íslands hönd og hafnaði í fimmta sæti í sínum flokki.

Um átta hundruð keppendur voru skráðir til leiks á mótið í Lúxemborg, sem er í fyrsta, eða neðsta, styrkleikaflokki alþjóðlegra móta. Landsliðs Íslands var skipað þeim Guðmundi Flóka og Leo Anthony.

Leo keppti í undir 68 kílóa þyngdarflokki og hafnaði í 5. sæti af 29 keppendum.

Guðmundur Flóki keppti í fullorðins flokki undir áttatíu kílóum, sat hjá í fyrstu umferð en mætti svo sterkum keppanda frá Tékklandi í sextán manna úrslitum, sem hann sigraði 2-1. Í átta manna úrslitum mætti hann svo Breta sem hann sigraði einnig 2-1 en í undanúrslitum tapaði hann fyrir keppanda frá Belgíu, 1-2.

Guðmundur Flóki hlaut því bronsverðlaun á mótinu, sem er sérlega góður árangur í ljósi þess að hann er enn aðeins sautján ára en keppti í flokki fullorðinna.

Guðmundur Flóki og Leo Anthony ásamt þjálfara sínum.taekwondosamband Íslands

„Það eru bjartir tímar framundan hjá bardaga landsliðinu“ segir á heimasíðu Taekwondosambandsins.

Mótinu var streymt á YouTube og bardaga Íslendinganna má finna hér fyrir neðan. 

Guðmundur Flóki: 1:48:00 / 4:50:00 / 5:49:40

Leo Anthony: 3:17:40 / 5:36:00




Fleiri fréttir

Sjá meira


×