Ind­verji á leið til landsins leitar að SOS for­eldrinu Haf­dísi

Í Facebook færslu SOS barnaþorpanna segir að konan, að nafni Ambika, hafi alist upp í barnaþorpinu í Greenfields á Indlandi á áunum 1993 til 2012. Hafdís, SOS foreldri hennar, hafi styrkt hana og reglulega sent henni kort í pósti. 

Um mánaðamótin sé Ambika á leið til Íslands ásamt eiginmanni sínum. „Hana langar afar mikið að hitta Hafdísi til að þakka henni stuðninginn og kortasendingarnar í öll þessi ár,“ segir í færslunni.

Þar sem SOS Barnaþorpin lúti ströngum persónuverndarlögum eigi félagið ekki lengur upplýsingar um Hafdísi í tölvukerfinu sínu. Því hafi félagið brugðið á það ráð að auglýsa eftir henni á samfélagsmiðlum.

Hans Steinar Bjarnason upplýsingafulltrúi SOS segir í samtali við fréttastofu að nokkrar ábendingar hafi borist samtökunum og að þeim verði fylgt eftir í von um að hafa upp á Hafdísi.

Þá er viðkomandi Hafdísi eða þeim sem telja sig vita um hvaða Hafdísi ræðir bent á að hafa samband við SOS barnaþorpin á Facebook. 

Fréttin hefur verið uppfærð.