Hátt í sjö hundruð látist í á­rásum Ísraela

Greint var frá því í gær að ráðamenn Íranir sögðust ekki ætla að halda áfram diplómatískum viðræðum um kjarnorkuáætlun sína meðan Ísraelar gera enn árásir á landið. Á sama tíma segjast ráðamenn Ísrael ekki ætla að láta af árásunum fyrr en búið væri að útrýma allri kjarnorkuógn. 

Þá sagði utanríkisráðherra Ísraels í viðtali að árásir Ísraelsmanna á kjarnorku- og hernaðarinnviði í Íran hafi tafið framleiðslu klerkastjórnarinnar í Íran á kjarnorkuvopnum í að minnsta kosti tvö ár.

Israel Katz varnarmálaráðherra Ísrael segir Ísraelsher hafa drepið fimm hersveitarmenn byltingarvarðarins, úrvalssveit klerkastjórnarinnar í Íran, í loftárásum á borgina Khorramabad í nótt. Þar á meðal einn yfirhershöfðingja. Íranski ríkismiðillinn staðfestir þetta. 

Þá segir miðillinn sextán ára einstakling hafa látist í árás á írönsku borgina Qom í nótt. Guardian hefur jafnframt eftir honum að minnst 639 hafi verið drepnir í loftárásum Ísraela síðastliðna rúma viku. 

Mannréttindasamtökin Human Rights Activists News Agency segja aftur á móti fleiri liggja í valnum eftir árásir Ísraela á Íran, eða að minnsta kosti 657.