Körfu­bolta­spjald með Jordan seldist á 243 milljónir króna

Nýliðaspjald Jordan er með þeim verðmætari sem þú finnur og það kom í ljós á uppboði á vegum Joopiter.

Kaupverðið kom samt mörgum í greininni mjög á óvart samkvæmt frá frétt hjá Reuters.

Spjaldið var nýliðaspjald Jordan og var áritað af honum sjálfum. Það var gefið út af Fleer á 1986-87 tímabilinu.

Það seldist á tvær milljónir dollara eða 243 milljónir króna. Kaupandinn fékk þó mun hærri reikning því uppboðsstofan bætti 25 prósent álagi ofan á verðið.

Spjaldið kostaði því viðkomandi 2,5 milljónir dollara eða yfir þrjú hundruð milljónir króna.

Þetta er það hæsta sem hefur verið borgað fyrir nýliðaspjald með Jordan.

Sá sem keypti spjaldið kom ekki fram undir nafni og því vitum við ekki hver hafði efni á að henda þrjú hundruð milljónum í eitt lítið körfuboltaspjald.