Hálf­fimm­tug Venus snéri aftur með sigri

Williams, sem hefur unnið sjö risatitla í einliðaleik og fjórtán risatitla í tvíliðaleik, á tennisferli sínum samþykkti að taka þátt á Washington Open mótinu á svokölluðu Wildcard.

Hún leikur með Hailey Baptiste og saman unnu þær sigur gegn Eugenie Bouchard og Clervie Ngounoune. Williams og Baptiste unnu fyrsta settið 6-3 og það annað 6-1.

Þetta var í fyrsta skipti í þrjú ár sem Williams keppir í tvíliðaleik, en hún mætir einnig til leiks í einliðaleik á morgun, þriðjudag, þegar hún mætir hinni bandarísku Peyton Stearns.