Viðskipti innlent

For­stjórarnir sem möluðu gull í fyrra

Jón Ísak Ragnarsson skrifar
Árni Sigurðsson, Davíð Helgason, Árni Oddur Þórðarson og Kári Stefánsson voru allir með yfir tíu milljónir á mánuði á síðasta ári.
Árni Sigurðsson, Davíð Helgason, Árni Oddur Þórðarson og Kári Stefánsson voru allir með yfir tíu milljónir á mánuði á síðasta ári. Vísir

Árni Sigurðsson, forstjóri Marel, er tekjuhæsti forstjórinn í nýju blaði Frjálsrar verslunar yfir tekjur Íslendinga árið 2024. Árni var með rúmar 40 milljónir á mánuði í tekjur.

Marel hf. sameinaðist John Bean Technologies Corporation á árinu en risasamruni félaganna kláraðist formlega í byrjun þessa árs, og má sennilega rekja mikinn hluta tekna Árna sem sagt er frá í blaðinu til bónusgreiðslna vegna samrunans.

Árni Sigurðsson varð í kjölfarið aðstoðarforstjóri sameinaðs félags JBT-Marel, en hann fékk í sinn hlut sérstaka bónusgreiðslu upp á samanlagt meira en þrjú hundruð milljónir króna þegar samruninn kláraðist.

Tekjublað Frjálsrar verslunar kom út í dag en rétt er að árétta að um er að ræða útsvarsskyldar tekjur á árinu 2024 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Í launum sumra kann að vera falinn bónus vegna ársins 2023 sem var greiddur árið 2024.

Miðað er við útsvarsstofn samkvæmt álagningarskrá en í tölunum eru ekki fjármagnstekjur, til dæmis af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði. Þá ber að hafa í huga að inn í tekjunum geta líka verið einskiptisgreiðslur vegna úttektar á séreignasparnaði hjá lífeyrissjóði.

Verktakagreiðslur flokkast ekki sem útsvarsskyldar tekjur og eru því ekki teknar fyrir í álagningaskrá Ríkisskattstjóra sem Tekjublaðið styðst við.

Í öðru sæti á listanum er Davíð Helgason, stofnandi hugbúnaðarfyrirtækisins Unity Technologies, sem var með 33 milljónir króna á mánuði. Þar á eftir kemur Árni Oddur Þórðarson, fyrrverandi forstjóri Marels, með 16,6 milljónir á mánuði. Í fjórða sæti situr Haraldur Líndal Pétursson, forstjóri Fagkaupa.

Kári Stefánsson, sem lét af störfum sem forstjóri Íslenskrar erfðagreiningar í maí á þessu ári, vermir fimmta sætið með 13,5 milljónir á mánuði.

Aðrir þekktir á listanum eru meðal annars:

  • Orri Hauksson, fyrrverandi forstjóri Símans. 12,6 milljónir.
  • Grímur Karl Sæmundsen, forstjóri Bláa lónsins. 11,8 milljónir.
  • Ásgeir Helgi Reykfjörð Gylfason, forstjóri Skel. 11,4 milljónir.
  • Hjörtur Valdemar Erlendsson, forstjóri Hampiðjunnar. 11 milljónir.
Orri Hauksson lét af störfum undir lok síðasta sumars sem forstjóri Símans. Fyrr á þessu ári tók hann við sem formaður stjórnar First Water.
  • Gunnar Guðlaugsson, forstjóri Norðuráls. 11 milljónir.
  • Hrund Róbertsdóttir, fyrrverandi forstjóri Veritas Capital. 10,5 milljónir.
  • Rannveig Rist, forstjóri Rio Tinto á Íslandi. 11 milljónir.
  • Eldur Ólafsson, forstjóri Amaroq minerals. 9,9 milljónir.
  • Guðmundur Fertram Sigurjónsson, forstjóri Kerecis. 9 milljónir.
Eldur Ólafsson er stofnandi og forstjóri málmleitarfélagsins Amaroq minerals, sem vinnur að gullgreftri í Grænlandi.
  • Björn Hembre, forstjóri Arnarlax. 8,7 milljónir.
  • Sigurður Ágúst Sigurðsson, fyrrverandi forstjóri Happdrættis DAS. 8,2 milljónir.
  • Þorsteinn Már Baldvinsson, forstjóri Samherja. 6,6 milljónir.
  • Finnur Oddsson, forstjóri Haga. 6,4 milljónir.
  • Stefán Rúnar Dagsson, framkvæmdastjóri Ikea. 6,4 milljónir.
Þorsteinn Már Baldvinsson lét af störfum hjá Samherja í maí á þessu ári. Baldvin Þorsteinsson, sonur hans, hefur tekið við starfi forstjóra.Vísir/Vilhelm
  • Ásta Sigríður Fjeldsted, forstjóri Festi. 6,1 milljón.
  • Birgir Jónsson, fyrrverandi forstjóri Play. 6,1 milljón.
  • Halldór Benjamín Þorbergsson, forstjóri Heima. 6,2 milljónir.
  • Þórólfur Gíslason, kaupfélagsstjóri Kaupfélags Skagfirðinga. 6,1 milljón.
  • Gunnþór Björn Ingvason, forstjóri Síldarvinnslunnar. 6 milljónir.
Birgir Jónsson trymbill lét af störfum sem forstjóri Play í fyrra.Vísir/Vilhelm
  • Árni Stefánsson, fyrrverandi forstjóri Húsasmiðjunnar. 5,9 milljónir.
  • Kristján Loftsson, forstjóri Hvals hf. 5,3 milljónir.
  • Jón Björnsson, fyrrverandi forstjóri Origo. 5,9 milljónir.
Kristján Loftsson forstjóri Hvals.Vísir/Vilhelm
  • Bogi Nils Bogason, forstjóri Icelandair Group. 5,2 milljónir.
  • Baldvin Már Hermansson, forstjóri Air Atlanta. 5,3 milljónir.
  • Yngvi Halldórsson, forstjóri Wisefish og fyrrverandi forstjóri Sýnar. 5,2 milljónir.
JBT Marel Íslensk erfðagreining Tekjur Síminn Bláa lónið Skel fjárfestingafélag Hampiðjan Amaroq Minerals Hagar IKEA Festi Play Heimar fasteignafélag Síldarvinnslan Icelandair Air Atlanta Sýn

Tengdar fréttir

Fékk yfir þrjú hundruð milljóna bónus þegar sam­runi JBT og Marel kláraðist

Árni Sigurðsson, sem er núna tekinn við sem aðstoðarforstjóri JBT-Marel, fékk í sinn hlut sérstaka bónusgreiðslu upp á samanlagt meira en þrjú hundruð milljónir króna þegar risasamruni félaganna formlega kláraðist í byrjun þessa árs. Til viðbótar fær Árni einnig umtalsverðan árangurstengdan kaupauka vegna ársins 2024 og samkvæmt nýjum ráðningarsamningi innihalda launakjör hans hjá sameinuðu fyrirtæki margvíslegar hvatatengdar greiðslur, meðal annars umfangsmikla kauprétti og annars konar bónusgreiðslur.



Mest lesið


Fleiri fréttir

Sjá meira


×

Mest lesið