Tjáir sig um brott­vísun Kourani og tekist á um Jimmy Kimmel

Ekið var á starfsmann malbikunarfyrirtækisins Colas í gær. Ökumaðurinn, sem flúði vettvang, gaf í þegar starfsmaðurinn gaf merki um að stöðva með þeim afleiðingum að slinkur kemur á höndina. Deildarstjóri öryggis hjá Colas segir uppákomur sem þessar vera daglegt brauð.

Þó nokkrum hefur verið sagt upp störfum í Bandaríkjunum eftir að hafa tjáð sig um áhrifavaldinn og íhaldsmanninn Charlie Kirk sem var myrtur fyrir viku. Þáttastjórnandinn Jimmy Kimmel bættist í þann hóp í dag sem Bandaríkjaforseti fagnar. Málið verður rætt í myndveri.

Donald Trump Bandaríkjaforseti og Keir Starmer, forsætisráðherra Bretlands, héldu í dag sameiginlegan blaðamannafund um fund þeirra í morgun. Við fáum að heyra hvað leiðtogarnir höfðu að segja um stríðið milli Rússlands og Úkraínu. 

Raunvirði íbúða er tekið að lækka á ný. Í nýrri skýrslu húsnæðis- og mannvirkjastofnunar kemur fram að helmingur nýrra íbúða hafi staðið óseldur í meira en tvö hundruð daga.

Arnór Atlason verður þjálfari Holstebro næstu þrjú árin. Hann segir að starfið fari vel saman við aðstoðarlandsliðs þjálfarastöðuna

Þetta og margt fleira á samtengdum rásum Sýnar, Vísis og Bylgjunnar klukkan 18.30