Ungstirnið skallaði meistarana á­fram

Mikil gleði var snemma leiks í norðurhluta Englands í kvöld þegar Yoane Wissa skoraði sitt fyrsta mark fyrir Newcastle eftir löng meiðsli í kjölfar skipta frá Brentford í sumar.

Aðeins tíu mínútur voru liðnar þegar Kongómaðurinn kom Newcastle yfir en sex mínútum síðar jafnaði Sasa Lukic metin fyrir Fulham.

1-1 stóð allt fram í uppbótartíma þegar hinn ungi Miley skallaði inn hornspyrnu Sandro Tonali til að skjóta Newcastle áfram í undanúrslit.

Newcastle getur því enn varið titil sinn síðan í fyrra en Manchester City tryggði sæti sitt í undanúrslitunum með sigri fyrr í kvöld og Chelsea í gær.

Á Þorláksmessu kemur í ljós hvort Arsenal eða Crystal Palace fylgi liðunum þremur í undanúrslit keppninnar.