Sjáðu frá­bært sam­spil Leeds og Gray tryggja Spurs sigurinn

Calvert-Lewin skoraði í sjötta leiknum í röð þegar Leeds gerði 1-1 jafntefli við Sunderland í nýliðaslag á Ljósvangi.

Simon Adingra kom heimamönnum yfir á 28. mínútu en Calvert-Lewin jafnaði fyrir gestina í upphafi seinni hálfleiks. Mark Calverts-Lewin kom eftir frábæra sókn Leeds þar sem allir ellefu leikmenn liðsins snertu boltann.

Eftir að hafa ekki skorað í fyrstu 59 leikjum sínum fyrir Tottenham gerði Gray eina mark liðsins þegar það sótti Crystal Palace heim á Selhurst Park. Lokatölur 0-1, Spurs í vil.

Hinn nítján ára Gray skoraði markið sem réði úrslitum þremur mínútum fyrir hálfleik. Hann kom boltann þá í netið af stuttu færi með höfðinu eftir að Richarlison skallaði boltann til hans eftir hornspyrnu.

Lukkudísirnar voru ekki á blandi Richarlisons í gær en tvö mörk voru dæmd af Brassanum.

Mörkin þrjú úr ensku úrvalsdeildinni í gær má sjá hér fyrir ofan.