Strákarnir okkar spila næst æfinga­leiki við Sví­þjóð

Æfingaleikirnir tveir verða spilaðir í vikunni 15. - 21. mars og munu fara fram hér á landi. Þeir verða þá fyrstu æfingaleikirnir sem strákarnir okkar spila á Íslandi síðan 2018 þegar landslið Barein, undir stjórn Arons Kristjánssonar kom í heimsókn. 

Ísland og Svíþjóð tryggðu sér bæði sæti á HM á næsta ári með góðum árangri á Evrópumótinu sem var að ljúka. 

Svíar höfnuðu í sjötta sæti, eftir tap gegn Íslandi og jafntefli við Ungverjaland í milliriðlinum, en strákarnir okkar enduðu í fjórða sæti eftir tap gegn Króatíu í leiknum um bronsið.

„Nú eru Svíarnir að koma til landsins og við spilum tvo æfingaleiki. Það verður mjög gaman að fá alvöru lið og geta boðið upp á frábæra landsleiki. Við munum bjóða þjóðinni að styðja okkur þar og gera mikið úr þeim leikjum“ sagði Jón Halldórsson, formaður HSÍ, í viðtali við Vísi.

Undirbúningur fyrir næsta stórmót, HM í Þýskalandi, er nú þegar hafinn og formaðurinn segir betur frá því í Sportpakka Sýnar í kvöld.