Hákon: Þetta er svo ó­geðs­lega gaman

„Manni líður bara mjög vel“, sagði Hákon þegar hann var spurður út í hvaða tilfinningar væru í gangi eftir sigur í svona mikilvægum leik.

„Það var búið að gera okkur það alveg ljóst fyrir leikinn hversu mikilvægur hann væri. Ég held að við séum alveg 100% búnir að tryggja okkur inn í úrslitakeppnina og það er markmiðið sem við settum okkur fyrir tímabilið. Við ætluðum okkur að enda ofar reyndar en við erum búnir að ná markmiðinu og við erum bara sáttir með það.“

Hvað voru ÍR-ingar að gera rétt í kvöld?

„Við vinnum bara með fjórum stigum þannig að kannski var það ekkert rosa margt. Við vorum með aðeins meiri þolinmæði í sókninni og vorum að nýta okkur styrkleikana okkar í sókninni og sérstaklega í fjórða leikhluta. Við fundum stóru mennina í „mis-match“ á minni mennina. Svo hittum við bara skotunum okkar. Við erum undir með tveimur og setjum þrist og setjum svo aftur skot og náum að halda þessu út síðustu 70-80 sekúndurnar. Það er bara leikurinn.“

Geta ÍRöingar þá notið þess að spila síðustu leikina á tímabilinu verandi búnir að ná markmiðunum sínum?

„Já, fyrir mitt leyti þá nýt ég þess svo mikið. Þetta er svo ógeðslega gaman. Við vorum búnir að tala mikið um þetta að það væru bara þrír leikir eftir af tímabilinu og að við ætluðum að njóta þess. Þetta líður svo hratt. Manni finnst eins og tímabilið hafi bara byrjað í gær.“