Viðskipti innlent

Lands­bankinn hækkar einnig vexti

Samúel Karl Ólason skrifar
Vextir voru hækkaðir hjá Arion banka og Íslandsbanka fyrir helgi og nú hefur Landsbankinn fylgt á eftir.
Vextir voru hækkaðir hjá Arion banka og Íslandsbanka fyrir helgi og nú hefur Landsbankinn fylgt á eftir. Vísir/vilhelm

Forsvarsmenn Landsbankans tilkynntu í dag að vextir yrðu hækkaðir. Hækkanirnar eru á milli 0,15 upp í 0,35 prósentustig eftir því hverslags lán er um að ræða en fyrstu breytingarnar tóku gildi í dag og hinar taka gildi á föstudaginn.

Breytilegir vextir á óverðtryggðum íbúðalánum hækka um 0,25 prósentustig en það sama á við um fasta vexti til 36 mánaða á nýjum óverðtryggðum íbúðalánum. Fastir vextir á nýjum verðtryggðum íbúðalánum lækka um 0,25 prósentustig, samkvæmt tilkynningu frá Landsbankanum.

Fastir vextir til tólf mánaða á nýjum óverðtryggðum íbúðalánum hækka um 0,35 prósentustig en fastir vextir til sextíu mánaða á óverðtryggðum íbúðalánum hækka um 0,15 prósentustig.

Þá hækka kjörvextir á óverðtryggðum lánum um 0,25 prósentustig og gera yfirdráttarvextir það einnig.

Sjá einnig: Lands­bankinn greiðir 34,9 milljarða í arð til hlut­hafa

Innlánavextir hækka einnig. Vextir á sparireikningum í appi hækka um 0,25 prósentustig, eins og vextir á öðrum óverðtryggðum sparireikningum. Þá hækka vextir á óverðtryggðum fastvaxtareikningum um allt að 0,35 prósentustig.

Hækkanirnar koma í kjölfar þess að Seðlabankinn hækkaði stýrivexti um 0,25 prósentustig í síðustu viku. Samsvarandi vaxtahækkanir voru tilkynntar hjá Arion banka og Íslandsbanka fyrir helgi.

Fjármálafyrirtæki Verðlag Landsbankinn Fjármál heimilisins


Mest lesið


Fleiri fréttir

Sjá meira


×

Mest lesið