Viðskipti innlent

Nói Siríus aftur í inn­lendri eigu

Árni Sæberg skrifar
olf Arn­ljot Strøm, fjár­mála­stjóri Orkla Snacks, Sigríður Hrefna Hrafn­kels­dóttir, for­stjóri Nói Síríus og Markús Hörður Árna­son, fjár­festingar­stjóri hjá Alfa Fram­tak.
olf Arn­ljot Strøm, fjár­mála­stjóri Orkla Snacks, Sigríður Hrefna Hrafn­kels­dóttir, for­stjóri Nói Síríus og Markús Hörður Árna­son, fjár­festingar­stjóri hjá Alfa Fram­tak. Alfa framtak

Sjóður í stýringu Alfa framtaks hefur samið við norska matvælaframleiðslurisann Orkla snacks um kaup á öllu hlutafé í sælgætisgerðinni Nóa Siríus. Orkla gekk frá kaupum á Nóa Siríus árið 2021.

Frá þessu greinir Viðskiptablaðið og hefur eftir fréttatilkynningu.

„Við kaupin færist Nói Síríus aftur í innlenda eigu eftir árangursríkan tíma undir eignarhaldi Orkla Snacks. Orkla Snacks hefur umbreytt fyrirtækinu úr rótgrónu fjölskyldufyrirtæki í framsýnt framleiðslufyrirtæki með skýra áherslu á gæði og sterk vörumerki. Alfa Framtak mun geta byggt á þessum sterka grunni og stutt við næsta vaxtarskeið félagsins,“ er haft eftir tilkynningu.

Í tilkynningu á vef Orkla segir að þrátt fyrir gott gengi Nóa Siríus frá kaupunum árið 2021 falli sælgætisgerðin ekki vel að öðrum rekstri félagsins og auki flækjustig hans.

Matvælaframleiðsla Kaup og sala fyrirtækja Sælgæti


Mest lesið


Fleiri fréttir

Sjá meira


×

Mest lesið