Rúllaði um gólfið í fanginu á dómaranum

Stefán Árni Pálsson og félagar í Bónus Körfuboltakvöldi voru með settið sitt úti á miðju gólfi að hita upp fyrir leikinn.

Þá má sjá Valsmanninn Frank Aron Booker koma inn úr búningsklefanum. Það er þröng leið út á gólf inn á milli áhorfendastúkanna í Keflavik.

Svo óheppilega vildi til að um leið og Frank Aron hljóp inn í salinn þá var Bjarki Þór Davíðsson dómari einnig að hita upp. Bjarki dómari hljóp óvart fyrir Frank Aron um leið og hann kom inn í salinn.

Það skrýtna við þetta allt saman að eftir áreksturinn rúlluðu þeir um gólfið í fanginu hvor á öðrum eins og sjá má hér fyrir neðan. Það er óhætt að segja að þetta atvik hafi vakið lukku í uppgjöri leiksins eftir leik.