Inn­kalla Smash Sty­le ham­borgara vegna salmonellu

Í tilkynningu segir að þetta sé gert með hliðsjón af öryggi og velferð neytenda. Varan hafi verið tekin úr sölu í verslunum og einnig verið sett sölustöðvun á viðkomandi lotunúmer.

Upplýsingar um vöruna:

• Vöruheiti: Íslandsnaut Smash Style hamborgara (100g)
• Nettómagn: 100g
• Umbúðir: Plastumbúðir og pappi
• Strikamerki: 1569431193000
• Best fyrir dagsetning: 24/04/2026
• Lotunúmer: 064-6-099-04
• Geymsluskilyrði: Kælivara 0-4°C
• Framleiðandi: Aðföng/Ferskar kjötvörur, Síðumúla 34
• Dreifing: Verslanir Bónus og Hagkaups

„Viðskiptavinum Bónus og Hagkaups sem keypt hafa vöruna er ráðið frá því að neyta hennar og er bent á að þeir geta skilað henni í verslunina þar sem hún var keypt gegn fullri endurgreiðslu.

Til að varast óróleika hjá neytendum skal það tekið fram að hakk sem er steikt í gegn er hættulaust. Þegar kjöt er hakkað dreifast örverur um kjötið. Létt steiking drepur því ekki bakteríur sem eru til staðar í kjötinu. Til þess að drepa Salmonella og aðrar sjúkdómsvaldandi örverur verður að steikja hakk í gegn eða þannig að kjarnahitastig sé a.m.k. 75°C.

Aðföng biður viðskiptavini Bónus og Hagkaups sem kunna að hafa orðið fyrir óþægindum vegna þessa innilegrar afsökunar.

Nánari upplýsingar veitir gæðastjóri Ferskra kjötvara í síma 414-6300 eða í gegnum netfangið gm[at]adfong.is,“ segir í tilkynningunni.