Vignir Vatnar sneri upp á Evrópumeistara

Vignir Vatnar mætti hinni serbnesku Teodoru Injac, alþjóðlegum meistara sem er ríkjandi Evrópumeistari kvenna frá því í fyrra. Injac tókst hins vegar ekki að klára leikinn eftir góða byrjun og Vignir Vatnar sneri taflinu.

„Vignir lenti gjörsamlega í köðlunum gegn agressífri taflmennsku hinnar sókndjöfru serbnesku valkyrju Teodoru Injac. 

Eftir erfiðara byrjun vaknaði Vignir til lífsins, varðist harðri sókn og náði að snúa dæminu eftir að Teodora hafnaði þráskák og tefldi til vinnings,“ segir í frábærri umfjöllun um viðureignina á heimasíðu Skáksambandsins. Þar er farið ítarlegar yfir skákina og sókn Evrópumeistarans á Vigni Vatnar sem vaknaði og varðist valkyrjunni. 

Vignir sneri þannig aftur á sigurbraut eftir töp í tveimur umferðum þar á undan. Hann hafði setið einn í efsta sæti mótsins eftir 6 umferðir, en tapaði stöðunni í 7. og 8. umferð.

Vignir Vatnar er nú með 6.5 vinning eftir 9 umferðir og er númer 74 í stigaröðinni. Stefnan er sett á sigra í síðustu tveimur umferðunum, sem gætu komið honum upp í topp tuttugu sæti og gefa þátttökurétt á HM einstaklinga.

Andstæðingar Vignis Vatnars í síðustu tveimur umferðunum liggja ekki enn fyrir. Frídagur verður haldinn í dag en lokaskákirnar verða tefldar á morgun og sunnudag. Nánari upplýsingar eru á heimsíðu mótsins og hjá Skák.is.

Alls taka 501 skákmenn þátt á mótinu og eru íslensku keppendurnir fjórir. 

Stórmeistarinn Vignir Vatnar Stefánsson (2512) er númer 74 í stigaröðinni, stórmeistarinn Hannes Hlífar Stefánsson (2414) er númer 154 í stigaröðinni, alþjóðlegi meistarinn Hilmir Freyr Heimisson (2297) er númer í 256 stigaröðinni og Josef Omarsson (2045) er númer 400 í stigaröðinni. 

Stigahæstur er Igor Kovalenko (2685) frá Úkraínu.