Nýtt endur­skoðunar- og ráð­gjafar­fyrir­tæki undir merkjum LOGOS

Er þetta meðal þess sem fram kemur í tilkynningu en þar segir einnig að sérstaða LOGOS endurskoðunar og ráðgjafar verði „heildstæð ráðgjöf til fyrirtækja með áherslu á aðstoð í tengslum við reikningsskil, fyrirtækjakaup og samruna, áreiðanleikakannanir og verðmat fyrirtækja, auk þess sem boðið verður upp á endurskoðun“.

Þá segir jafnframt að fyrst í stað verði lögð áhersla á endurskoðun og ráðgjöf til minni og meðalstórra félaga, en einnig verði horft til stærri fyrirtækja og skráðra félaga sem kunni að þurfa sérhæfða ráðgjöf.

„Okkur varð strax ljóst að með því að sameina krafta mætti bjóða heildstæða og sérhæfðari þjónustu. LOGOS veitir víðtæka ráðgjöf á sviðum sem tengjast sérfræðiráðgjöf endurskoðenda, svo sem við kaup og sölu fyrirtækja, fjárhagslega endurskipulagningu, áreiðanleikakannanir, samrunamál og skattaráðgjöf. Það er mikill fengur fyrir LOGOS að fá Þorstein til liðs við þetta nýja fyrirtæki sem verður í ákveðinni sérstöðu á markaðnum,“ er haft eftir Jóni Elvari Guðmundssyni, framkvæmdastjóra LOGOS, í tilkynningunni.

Geti byrjað hlaupandi

Þorsteinn hefur reynslu af endurskoðun og ráðgjöf en hann starfaði hjá Deloitte í 26 ár, þar af sem forstjóri frá 2019 og í eigendahópi síðan 2008. Eftir honum er haft að hann sjái mikil tækifæri í ráðgjöf þar sem fyrirtækin í landinu séu í stöðugri leit að aukinni og betri þjónustu.

„Segja má að við höfum séð sóknarfæri í nýrri nálgun og uppsetningu á endurskoðunarþjónustu með áherslu á ráðgjöf. Núna tekur við snarpt uppbyggingarstarf og þar er mikill styrkur í því að vera í samstarfi við LOGOS. Með því má segja að við getum byrjað hlaupandi og ætlum strax að láta til okkar taka,“ segir Þorsteinn sömuleiðis, nýr forstjóri LOGOS endurskoðunar & ráðgjafar.

Áhersla nýs fyrirtækis verður samkvæmt tilkynningunni lögð á að byggja upp öflugt teymi sem „sameini reynslumikla sérfræðinga og metnaðarfulla einstaklinga sem eru að stíga sín fyrstu skref í heimi endurskoðunar og ráðgjafar“. Við uppbyggingu starfseminnar verði horft til bæði innri og ytri vaxtar.

„Segja má að við höfum séð sóknarfæri í nýrri nálgun og uppsetningu á endurskoðunarþjónustu með áherslu á ráðgjöf. Núna tekur við snarpt uppbyggingarstarf og þar er mikill styrkur í því að vera í samstarfi við LOGOS. Með því má segja að við getum byrjað hlaupandi og ætlum strax að láta til okkar taka,“ segir Þorsteinn sömuleiðis, nýr forstjóri LOGOS endurskoðunar & ráðgjafar

Áhersla nýs fyrirtækis verður samkvæmt tilkynningunni lögð á að byggja upp öflugt teymi sem „sameini reynslumikla sérfræðinga og metnaðarfulla einstaklinga sem eru að stíga sín fyrstu skref í heimi endurskoðunar og ráðgjafar“. Við uppbyggingu starfseminnar verði horft til bæði innri og ytri vaxtar.