Sjö­tti lést af sárum sínum á sjúkra­húsi

Hin látnu voru öll starfsmenn æskulýðsmiðstöðvarinnar samkvæmt umfjöllun BBC. Fimm þeirra voru skotin til bana í miðstöðinni en sjötta fórnarlambið lést úr sárum sínum á sjúkrahúsi. 

Þrír eru í haldi lögreglu, þar á meðal meintur árásarmaður. Lögreglunni barst tilkynning um skothríð rétt eftir hádegi að staðartíma. Töluverður viðbúnaður lögreglu var á staðnum.

Dóttir mannsins og móðir hennar sluppu án meiðsla en þær dvöldu í miðstöðinni sem er sérstaklega fyrir börn og mæður þeirra. Karlmaðurinn og móðirin áttu í forræðisdeilu um dótturina.

Í frétt DW er haft eftir talsmanni lögreglunnar sem segir árásina ekki hafa verið sérstaklega beinda að konum heldur sé um „langvarandi fjölskylduharmleik“ að ræða.