Krafa Ís­lands um undan­þágur vekur spurningar í ESB

Við fjöllum líka um stöðu Íslands gagnvart Evrópusambandinu. Framkvæmdastjóri Samtaka fyrirtækja í sjávarútvegi segir inngöngu Íslands í sambandið svo gott sem úr myndinni áður en til hugsanlegra aðildarviðræðna kemur, í ljósi ummæla forsætisráðherra Hollands um kröfu Íslands um undanþágu frá sjávarútvegsstefnu ESB.

Þá ræðum við nýtt komugjald til sjúkraþjálfara, sem varaformaður ÖBÍ segir koma illa við öryrkja og geta orðið til þess að fólk fresti endurhæfingu eða leiti sér síður aðstoðar.

Við kynnum einnig nýjan vef landskjörstjórnar, sem á að auðvelda kjósendum að nálgast hlutlausar upplýsingar fyrir kosningar um aðildarviðræður við Evrópusambandið.

Og við verðum í beinni frá setningarathöfn Símamótsins í Kópavogi, þar sem rúmlega þrjú þúsund ungar knattspyrnukonur koma saman. Lilly Valgerður Pétursdóttir verður á staðnum.

Þetta og meira til í fréttum okkar á samtengdum rásum Sýnar, Bylgjunnar og Vísis.