Dag­skráin í dag: For­múla 1 og fót­bolti

Ungverski kappaksturinn er ellefta keppni tímabilsins í Formúlu 1 og sá síðasti fyrir næstum því mánaðarsumarfrí. Keppnin fer fram á Hungaroring-brautinni í norðaustur úthverfi Búdapest.

Fjórir mismunandi ökumenn hafa unnið síðustu fjórar keppnir eða þeir Lewis Hamilton, George Russell, Charles Leclerc og Kimi Antonelli.

Antonelli (204 stig) vann síðustu keppni og er efstur ökumanna með 45 stigum meira en Lewis Hamilton (159) sem er annar og George Russell (154) er síðan fimm stigum á eftir honum.

Útsending frá keppninni hefst klukkan 12.30 á Sýn Sport Viaplay en þar verður fylgst vel með öllu og keppnin gerð upp í lok hennar.

Tveir leikir eru í beinni úr Bestu deild karla í kvöld en Fram fær FH í heimsókn á Sýn Sport Ísland og Skagamenn fá Stjörnumenn í heimsókn á Sýn Sport Ísland 2. Útsendingin hefst klukkan 19.00 frá Úlfarsárdal og klukkan 19.05 frá Akranesi.