KR heldur á­fram að sækja leik­menn frá Lett­landi

Roberts er 25 ára gamall og 193 sentímetra hár skotbakvörður sem lék síðast með liði Rigas Zelli í sameiginlegri úrvalsdeild Lettlands og Eistlands. Áður varð hann tvívegis deildarmeistari og tvívegis bikarmeistari með liði VEF Riga.

Roberts hefur leikið með yngri landsliðum Lettlands og á einn leik að baki fyrir A-landsliðið.

Hjá KR hittir hann fyrir samlanda sinn, Linards Jaunzems, en hinn lettneski leikmaður KR á síðasta tímabili, Toms Leimanis, er farinn frá félaginu.