Handbolti

Einn af strákunum okkar biðlar til Trump um samning

Aron Guðmundsson skrifar
Viggó Kristjánsson, landsliðsmaður í handbolta, og Donald Trump, Bandaríkjaforseti
Viggó Kristjánsson, landsliðsmaður í handbolta, og Donald Trump, Bandaríkjaforseti Vísir/Samsett

Viggó Kristjánsson, landsliðsmaður í handbolta, biðlar til Donald Trump Bandaríkjaforseta að bjóða Íslendingum samning sem myndi gera Ísland að 51. ríki Bandaríkjanna.

Þetta gerir Viggó í færslu á samfélagsmiðlinum X sem hann merkir Donald Trump í. 

„Kæri Donald Trump. Þar sem að Ísland er nú að íhuga að gerast aðildarríki að Evrópusambandinu værum við einnig til í að íhuga að verða 51. ríki Bandaríkjanna. Gætum við fengið samningsdrög? Áfram Ísland!“ skrifar Viggó í umræddri færslu á samfélagsmiðlinum X. 

Þjóðaratkvæðagreiðsla um áframhaldandi aðildarviðræður Íslands við Evrópusambandið fer fram þann 29. ágúst næstkomandi. 

Hvort að Bandaríkjaforseti muni taka Viggó á orðinu verður tíminn að leiða í ljós en augu hans hafa um einhverja hríð beinst að Grænlandi.

Trump hefur ítrekað þá skoðun sína nokkrum sinnum að Grænland eigi að tilheyra Bandaríkjunum.

Landslið karla í handbolta Þjóðar­at­kvæða­greiðsla um ESB-viðræður Utanríkismál Evrópusambandið HSÍ

Mest lesið


Fleiri fréttir

Sjá meira


×

Mest lesið