Að­eins sau­tján konur með betri tíma en Elísa í ógnarsterku utanvegahlaupi

Alls 1.974 keppendur byrjuðu að hlaupa í morgun og þeir eru enn að tínast í mark.

Elísa hljóp kílómetrana 108 á þrettán klukkutímum, 24 mínútum og 49 sekúndum.

Í heildina endaði Elísa í 78. sæti en í því átjánda í kvennaflokki.

Hlaupnir voru 108 kílómetrar en þeim var óvænt fjölgað um sjö á elleftu stundu. Það kom í veg fyrir að Elísa næði markmiði sínu að klára hlaupið á um tólf klukkutímum.

Yngvild Kaspersen frá Noregi varð hlutskörpust í kvennaflokki. Hún kom í mark á tólf klukkutímum, einni mínútu og fjórtán sekúndum.