Margrét Þór­hildur lögð inn á sjúkra­hús

Danska ríkisútvarpið greinir frá þessu. Þar kemur fram að blóðtappi hafi fundist í mjöð.

Samkvæmt konungshirðinni er líðan drottningarinnar með ágætum. Hún beri sig vel miðað við aðstæður. Drottningin missir því að útför Haralds Noregskonungs sem lést þann 28. ágúst. Útförin fer fram á miðvikudag.

Margrét hefur þó nokkru sinnum verið lögð inn á sjúkrahús en síðast var hún einnig lögð inn þann 25. maí eftir að sneiðmyndataka leiddi í ljós mikla blóðsöfnun á mjaðmasvæðinu. Um var að ræða afleiðingu falls. Hún var útskrifuð fimm dögum síðar.

Drottningin lagðist einnig inn á sjúkrahús þann fjórtánda maí eftir að hafa fengið fyrir hjartað. Þá gekkst hún undir hjartaþræðingu og var útskrifuð af Ríkissjúkrahúsinu í Kaupmannahöfn sex dögum síðar. 

Margrét Þórhildur tilkynnti, Dönum til mikillar undrunar, í áramótaávarpi sínu árið 2023 að hún hygðist stíga til hliðar sem drottning. Friðrik sonur hennar tók í kjölfarið við krúnunni þann fjórtánda janúar 2024 og varð Friðrik X.

Margrét Þórhildur er 86 ára gömul en tekur enn virkan þátt í opinberu lífi og sinnir áhugamálum sínum af krafti. Ólíkt mörgum öðrum konungbornum þjóðhöfðingjum hefur hún oft leift persónuleika sínum að skína í gegn í embættisverkum sínum og hefur fyrir vikið notið fádæma vinsælda meðan dönsku þjóðarinnar.