Räikkönen skrifar undir hjá Red Bull

Margir af bestu ökumönnum heims hafa farið í gegnum yngri lið Red Bull og ætlar Robin Räikkönen að feta í fótspor þeirra. Hann hefur keppt í Go Kart frá unga aldri og hefur gengið vel í alþjóðlegum keppnum.

Hann á ekki langt að sækja hæfileikana en hann er sonur ísmannsins Kimi Räikkönen. Hann er síðasti ökumaðurinn sem hefur orðið heimsmeistari með Ferrari og gerði hann það árið 2007. Hann hætti árið 2021 og hefur síðan þá fylgt syni sínum Robin á meðan hann reynir fyrir sér í Go Kart.

Red Bull hefur góðan augastað á ungum hæfileikaríkum ökumönnum og hefur Robin Räikkönen sannarlega vakið athygli þeirra. Robin er aðeins ellefu ára og á því langt í land en þrátt fyrir ungan aldur sér Red Bull mikil gæði í ökumanninum.

„Robin hefur sýnt mikla hæfileika þegar hann keyrir Go Kart. Hraði hans og náttúrulegir hæfileikar hafa gert hann að einum efnilegasta ökumanni á hans aldri. Okkar markmið er að þróa hann eitt skref í einu og passa að setja ekki óþarfa pressu á hann,“ sagði Laurent Mekies, liðsstjóri Red Bull.

„Vegurinn í akstursíþróttum er langur en við munum gefa honum þann stuðning til að gera sem mest úr möguleikum hans. Hæfileikar hans munu fá að skína í réttu umhverfi og í kringum rétta fólkið. Við hlökkum til að halda áfram að vinna með Robin og fjölskyldu hans“