Lampard spilar vel fyrir mig

Knattspyrnustjóri Chelsea, Portúgalinn José Mourinho hrósaði Frank Lampard miðjumanni sínum  í viðtali við breska ríkissjónvarpið. Lampard hefur legið undir mikilli gagnrýni frá fjölmiðlum og fylgismönnum Chelsea í upphafi leiktíðar en Mourinho er ánægður með  kappann. "Hann spilar vel fyrir mig alla vega. Hvað þeir gera með landsliði er allt annað mál." "Lampard er ekki þreyttur og hann mun spila gegn Anderlecht í kvöld." Enska landsliðið tapaði sem kunnugt er fyrir Norður Írum fyrir viku en Lampard er búinn að ná sér eftir tapið, “ hann er í góðu skapi núna. Þegar hann kom aftur til æfinga eftir tapið í Belfast var hann frekar full. En hann hefur enga ástæðu til að vera leiður, lífið brosir við honum,” sagði José Mourinho knattspyrnustjóri Chelsea sem er á mjúku nótunum þessa stundina fyrir leik liðsins gegn Anderlecht í Meistaradeild Evrópu í kvöld