Spilað til úrslita í dag

Úrslitaleikir Powerade-bikarsins í körfubolta fara fram í Laugardalshöllinni í dag. Klukkan 14.00 mætast Haukar og Keflavík í kvennaflokki og klukkan 16.00 spila karlalið KR og Snæfells til úrslita.

Haukar eru handhafar kvennabikarsins síðustu tvö ár en Keflavík vann hann þrjú ár þar á undan. Karlalið KR er eina félagið af fyrrnefndum fjórum sem hefur aldrei unnið fyrirtækjabikar KKÍ en þetta verður fjórði úrslitaleikur karlaliðs félagsins. Snæfell vann þennan titil hins vegar árið 2004.