Ólafur og Sigfús létu að sér kveða á Spáni

Ólafur Stefánsson skoraði fjögur mörk, þar af eitt úr vítakasti, þegar lið hans Ciudad Real burstaði Altea með 30 mörkum gegn 20 í spænsku úrvalsdeildinni í handbolta í gær. Sigfús Sigurðsson skoraði þrjú mörk fyrir Ademar Leon sem vann Logrono, 31-27.

Portland San Antonio er efst í deildinni með 30 stig en liðið gerði jafntefli við Valladolid í gær. Ciudad er í öðru sæti með 29 stig en þar á eftir kemur Ademar Leon með 26 stig. Barcelona er síðan í fjórða sæti með 23 stig.