Allt um sigurgöngu Houston Rockets

Sögulegri sigurgöngu Houston Rockets í NBA deildinni lauk í nótt sem leið þegar það tapaði heima fyrir toppliði deildarinnar Boston Celtics. Vísir skoðar þessa næstlengstu sigurgöngu allra tíma nánar.

Jafnræði var með Houston og Boston framan af rimmu þeirra í nótt, en þarna mættust tvö af bestu liðum NBA deildarinnar í dag ef marka má stöðu þeirra. Houston sat í toppsæti Vesturdeildarinnar og Boston er langefst í austrinu - og með besta árangurinn í allri deildinni.

Í síðari hálfleik komu þeir grænklæddu þó mun ákveðnari til leiks og unnu að lokum sannfærandi sigur - aðeins sólarhring eftir að hafa lagt meistara San Antonio á þeirra heimavelli.

"Þetta Boston lið er að spila besta varnarleik sem ég hef orðið vitni að síðan ég kom inn í deildina," sagði Tracy McGrady, aðalstjarna Houston, sem náði sér ekki á strik í leiknum í gær.

Með sigrinum í gærkvöld varð Boston fyrsta liðið í þrjú ár til að vinna tvo útisigra í röð á tveimur dögum í Texas, en það er jafnan ekki öfundsvert hlutskipti fyrir lið að fara í "Texas-þríhyrninginn" svokallaða og spila við Houston, San Antonio og Dallas.

Houston hafði fyrir leikinn í gær unnið 22 leiki í röð sem er næstlengasta sigurganga allra tíma í NBA deildinni. Liðið hafði ekki tapað leik síðan það lá heima fyrir Utah þann 27. janúar

Houston hafði unnið 15 leiki í röð á heimavelli sínum og er það næst lengsta rispa liðsins á heimavelli í sögu félagsins - það vann 20 leiki í röð heima fyrir rúmum tveimur áratugum.

Sigurganga Houston er sú lengsta í NBA deildinni í hátt í fjóra áratugi og hafa liðin sem náð hafa viðlíka rispum á síðustu áratugum öll náð að vinna NBA meistaratitilinn vorið eftir sigurgöngur sínar.

Houston var fyrir tveimur mánuðum ekki nefnt til sögunnar þegar talað var um sigurstranglegustu liðin í úrslitakeppninni í sumar og sérstaklega ekki eftir að miðherjinn Yao Ming meiddist þegar nokkuð var liðið á sigurgöngu Houston fyrir nokkrum vikum.

Áður en sigurganga liðsins hófst seint í janúar var útlit fyrir að Houston kæmist ekki í úrslitakeppnina, en nú er liðið í bullandi baráttu um efsta sætið í Vesturdeildinni.

Það er ef til vill til marks um það hve hörð baráttan er í Vesturdeildinni að ekkert má útaf bera hjá liðunum í toppbaráttunni til að þau hrökkvi niður um 3-4 sæti á aðeins tveimur dögum.

Hér fyrir neðan má sjá lengstu sigurgöngur allra tíma í NBA deildinni.

Sigrar í röð - Lið - Ár

33- Lakers 1971-72

22- Rockets 2007-08

20- Bucks 1970-71

19- Lakers 1999-2000

18- Bulls 1995-96

18- Celtics 1981-82

18- Knicks 1969-70

Að lokum er hér samantekt yfir alla leiki Houston á sigurgöngunni sem spannar þrjá mánuði.

Dags, mótherji, úrslit, (sigrar-töp), stigahæstur. @= útileikur

JANÚAR:

29. Golden State W 111-107 (25-20) Y. Ming 36

FEBRÚAR:

1 @ Indiana 106-103 (26-20) C. Landry 22

2 @ Milwaukee 91-83 (27-20) T. McGrady 33

4 @ Minnesota 92-86 (28-20) T. McGrady 26

7 Cleveland 92-77 (29-20) Y. Ming 22

9 Atlanta 108-89 (30-20) Y. Ming 28

11 Portland 95-83 (31-20) Y. Ming 25

13 Sacramento 89-87 (32-20) Y. Ming 25

19 @ Cleveland 93-85 (33-20) R. Alston 22

21 Miami 112-100 (34-20) T. McGrady 23

22 @ New Orleans 100-80 (35-20) T. McGrady 34

24 Chicago 110-97 (36-20) T. McGrady 24

26 Washington 94-69 (37-20) L. Head 18

29 Memphis 116-95 (38-20) T. McGrady 25

MARS:

2 Denver 103-89 (39-20) T. McGrady 22

5 Indiana 117-99 (40-20) T. McGrady 25

6 @ Dallas 113-98 (41-20) T. McGrady 31

8 New Orleans 106-96 (42-20) T. McGrady 41

10 New Jersey 91-73 (43-20) T. McGrady 19

12 @ Atlanta 83-75 (44-20) T. McGrady 28

14 Charlotte 89-80 (45-20) T. McGrady 30

16 LA Lakers 104-92 (46-20) R. Alston 31