Trump kaffærði Díönu prinsessu í blómvöndum

Donald Trump sendi Díönu heitinni prinsessu fjölmarga og rándýra blómvendi í tilraun sinni til þess að heilla hana í kjölfar skilnaðar Díönu og Karls, krónprins Bretlands. Þetta segir breska sjónvarpskonan Selina Scott.

„Trump leit á Díönu sem hina fullkomnu glæsikonu (e. Trophy wife). Díana spurði mig hvað ég ætti að gera við blómvendina og ég sagði henni einfaldlega að henda þeim bara.“

Trump hefur greint frá því að það eina sem hann sjái eftir í „kvennadeildinni“ sé að hann hafi aldrei fengið tækifæri til þess að eltast við Díönu.

Talsmaður Trump lét hafa eftir sér aðspurður um málið að Díana prinsessa og Trump hafi átt í frábærum samskiptum, líkað mjög vel við hvert annað en að ekkert hafi átt sér stað á milli þeirra.