OptiBac góðgerlar með fókus

HEILSA EHF KYNNIR OptiBac góðgerlarnir stuðla að góðri þarmaflóru og geta á náttúrulegan hátt leyst ýmis heilsufarsvandamál. Sérfræðingur frá OptiBac er staddur hér á landi og býður upp á ráðgjöf.

Starfsmenn OptiBac búa yfir mikilli sérfræðiþekkingu á sviði góðgerla og er einn þeirra á landinu sem stendur. Hann heitir Miguel Rodrigues og er næringarfræðingur að mennt. „Við erum afar ánægð með að hafa fengið hann í heimsókn,“ segir Signý Skúladóttir, markaðsstjóri Heilsu ehf., en Miguel verður með ráðgjöf í Lyfju á Smáratorgi í dag frá kl. 13 til 17 og í Heilsuhúsinu í Kringlunni á miðvikudag frá kl 13 til 17. Boðið verður upp á 20 prósent afslátt af OptiBac vörum á meðan á kynningunni stendur.

Signý segir lausnir frá OptiBac Probiotics geta leyst á náttúrulegan hátt ýmiss konar heilsufarsvanda með því að stuðla að góðri þarmaflóru. „Þá er líka mikilvægt að huga að því hvaða góðgerlar henta hverjum og einum en þeir hjá OptiBac vita að ólíkar gerlategundir hafa mismunandi virkni, sem er einmitt ástæða þess að ólíkar vörutegundir hafa verið þróaðar fyrir ólík vandamál. Ákveðnar tegundir baktería hafa verið sérvaldar og má til dæmis nefna tegundir sem virka einstaklega vel fyrir þá sem eru að taka inn sýklalyf og aðrar sem virka fyrir þá sem eru með hægða­tregðu, blöðrubólgu, heymæði og svo mætti lengi telja,“ segir Signý.

Hún segir OptiBac byggja á vel rannsökuðum sérvöldum vinveittum bakteríum sem þola magasýrur og sölt til að komast lifandi í smáþarmana en þar hafa þær einstaka virkni og hæfni til að setjast að á réttum stað. Að sögn Signýjar eru OptiBac góðgerlarnir á meðal mest rannsökuðu góðgerla sem finnast og fjölmargar klínískar rannsóknir liggja þar að baki. Hún segir leiðarljós fyrirtækisins ávallt gæði umfram magn og hvetur áhugasama til að líta við í Lyfju á Smáratorgi og leita ráða hjá Miguel. „Þetta er frábært tækifæri sem fólk ætti ekki að láta fram hjá sér fara.“

Miguel verður með ráðgjöf í dag, mánudag, í Lyfju á Smáratorgi frá kl. 13.00 til kl. 17.00. Á miðvikudag verður hann með kynningu í Heilsuhúsinu í Kringlunni frá kl. 13.00 til kl. 17.00.