Grunaður um kynferðisbrot gegn fimm ára stúlku

Lögreglan á höfuðborgarsvæðinu rannsakar nú mál manns sem grunaður er um að hafa brotið kynferðislega gegn fimm ára gamalli stúlku á heimili stúlkunnar og móður hennar en maðurinn er fyrrverandi sambýlismaður móðurinnar.

Að því er fram kemur í greinargerð lögreglu, sem birt er á vef Hæstaréttar vegna úrskurðar Héraðsdóms Reykjaness um að heimila lögreglu að skoða síma mannsins, á stúlkan að hafa lýst því fyrir móður sinni að maðurinn ogh hún og maðurinn hafi tekið niður buxurnar og nærbuxurnar líka. Hún hafi sett putta á/í rassinn á manninum hann hafi fengið að skoða rassinn á henni. Móðurinni brá en spurði dóttur sína hvort henni hafi fundist þetta óþægilegt og svaraði hún þá neitandi.

Konan og maðurinn slitu sambúð undir lok febrúar en maðurinn á í tvígang að hafa verið einn með stúlkunni, annars vegar þann 24. janúar síðastliðinn og hins vegar þann 17. febrúar síðastliðinn. Maðurinn var handtekinn þann 10. mars og færður til skýrslutöku hjá lögreglu. Hann neitaði því að hafa látið stúlkuna stinga fingri í endaþarm hans og að hafa skoðað á henni rassinn. Í greinargerð lögreglu segir svo:

„Þegar hann var spurður að því hvort eitthvað annað hefði gerst  lýsti hann því að í janúar sl. hefði hann verið að passa brotaþola að kvöldi til. Hann hefði verið að koma henni í rúmið og brotaþoli hefði viljað sofa nakin eins og móðir hennar gerði alltaf. Þau hefðu svo lagst saman í rúm hennar en hann hefði verið í nærbuxum og bol. Hann kvaðst hafa lesið fyrir hana einhverja bók en að lestri loknum hefði brotaþoli tekið hönd hans og beðið hann um að koma við kynfæri hennar því henni þætti það svo gott.  Kvaðst hann aðeins hafa komið við kynfærin á henni en síðan tekið hönd sína í burtu og sagt við brotaþola að hann ætti ekki að koma við hana þarna. Hún hefði þá endurtekið að henni þætti gott að láta koma við sig á þessu svæði. Kvaðst hann ekki hafa sagt móður brotaþola frá þessu atviki.“

Þá var hann einnig spurður að því hvort eitthvað annað hefði gerst á milli þeirra og sagði hann frá því að í eitt sinn þegar móðir stúlkunnar hafi verið orðin of sein til vinnu og því beðið hann um að aka stúlkunni í leikskólann.

„Brotaþoli hefði komið inn í svefnherbergi til hans eftir að móðir var farin þar sem hann lá nakinn í rúminu.

Brotaþoli hafi þá sett hendur sínar á rasskinnar kærða en hann ekki beðið hana um að taka hendurnar af honum. Brotaþoli hefði síðan beðið hann um að skoða á sér rassin því hana klæjaði. Hún hefði tekið buxur sínar niður og legið í hjónarúminu með rassinn upp. Hann kvað brotaþola hafa verið illa skeinda og hann hefði því farið fram og náð í blautan pappír og þrifið henni. Brotaþoli hefði talað um að henni þætti gott að láta snerta sig þarna.“

Maðurinn var úrskurðaður í gæsluvarðhald þann 11. mars sem rann út á mánudaginn. Lögreglan óskaði eftir því að fá að kanna innihald farsíma hans en hann neitaði lögreglu um það. Því var farið fram á dómsúrskurð varðandi það og heimilaði héraðsdómur lögreglu að leita í símanum. Maðurinn kærði úrskurðinn til Hæstaréttar sem vísaði kærunni þá frá þar sem rannsókn lögreglu á innihaldi farsímans hafði þegar farið fram.