Lögreglan óskar eftir vitnum að bílveltunni á Hringbraut

Lögreglan á höfuðborgarsvæðinu óskar eftir vitnum að bílveltu sem varð á Hringbraut í Vesturbæ Reykjavíkur þann 10. apríl síðastliðinn en bifreið var þá ekið í gegnum grindverk og yfir á öfugan vegarhelming þar sem hún endaði á hvolfi við hús númer 105.

Slysið varð klukkan 11:56 og biður lögreglan þá sem urðu vitni að því að hafa samband við lögregluna á höfuðborgarsvæðinu í síma 444-1000, senda tölvupóst í netfangið jonatan.gudnason@lrh.is eða senda einkaskilaboð á fésbókarsíðu embættisins.