Strætó og WOW taka höndum saman

Stræto og WOW Air hafa ákveðið að fara í samstarf í sumar og bjóða upp á dagspassa sem hægt er að kaupa í Strætó appinu og gildir í alla strætisvagna höfuðborgarsvæðisins í sólarhring og gefur notendum afsláttarkóða til að leigja borgarhjól WOW fjórum sinnum yfir daginn, hálftíma í senn, án frekari kostnaðar.

Tilgangurinn er að létta á umferð og einfalda ferðamönnum að nota vistvænar samgöngur.

Í tilkynningu frá Strætó segir Jóhannes Svavar Rúnarsson, framkvæmdastjóri Strætó: „Við vonum að íbúar höfuðborgarsvæðisins og erlendir ferðamenn sjái sér fært að nýta þessa vöru í sumar, við erum afar stolt af þessu.“

Dagpassinn kostar 1.900 krónur