Enski boltinn

Dagný lék allan leikinn í tapi

Runólfur Trausti Þórhallsson skrifar
Dagný í leik dagsins.
Dagný í leik dagsins. Henry Browne/Getty Images

Landsliðskonan Dagný Brynjarsdóttir lék allan leikinn er West Ham United tapaði 0-2 á heimavelli gegn Manchester City í ensku úrvalsdeild kvenna í dag.

Dagný var á sínum stað á miðju West Ham en líkt og stöllur hennar kom hún engum vörnum við þegar Georgia Stanway kom gestunum yfir strax á áttundu mínútu leiksins. Reyndist það eina mark fyrri hálfleiks og staðan 0-1 er gengið var til búningsherbergja.

Khadija Shaw gerði svo gott sem út um leikinn eftir rúmlega klukkustundarleik þegar hún tvöfaldaði forystu gestanna. Staðan orðin 0-2 og reyndust það lokatölur.

West Ham er í 7. sæti deildarinnar með 24 stig eftir 19 leiki.

Fótbolti Enski boltinn

Mest lesið


Fleiri fréttir

Sjá meira


×

Mest lesið