Tveir látnir í óveðri í Texas og Georgíu

Öflug haglél, rok og hvirfilbyljir gengu yfir suðurríki landsins og er búist við svipuðu ástandi í dag.

Annað dauðsfallið varð í Pembroke í Georgíu þar sem kona lét lífið þegar hvirfilbylur reif hús hennar í sundur og í Texas lést eldri maður þegar stórt tré rifnaði upp með rótum og féll á heimili hans.

Rúmlega fimmtíu þúsund heimili voru án rafmagns á svæðinu í gær en búist er að óveðrið nái yfir enn stærra svæði í dag og hafa viðvaranir einnig verið gefnar út fyrir Mississippi, Alabama og Suður-Karólínu.