Helgi Björns, Högni Egils og Sig­ríður Thor­la­cius fögnuðu nýjasta veitinga­húsi Reykja­víkur

Skreið er staðsettur við Laugarveg 4. Eigendur staðarins eru hjónin Steinþór Helgi Arnsteinsson og Glódís Guðgeirsdóttir, Ásgeir Guðmundsson og Davíð Örn Hákonarson, matreiðslumeistari. Saman eiga þeir Steindór og Ásgeir einnig barinn Röntgen.

Þrjár vikur eru síðan Skreið opnaði en fullt hefur verið út úr dyrum síðan þá. Það gafst því ekki tími fyrir opnunarpartý fyrr en á miðvikudaginn síðastliðinn og var þá öllu tjaldað til.

„Viðtökurnar voru dásamlegar enda loksins komið líf í þetta sjarmerandi hús og Skreið stimplar sig inn sem sterka viðbót í veitingastaðarflóru Reykjavíkur,“ segir Glódís í samtali við Vísi.

Boðið var upp á dýrindis tapasrétti að hætti staðarins og var stemningin góð. Á meðal gesta á opnuninni voru tónlistarfólkið Helgi Björns, Sigríður Thorlacius og Högni Egilsson, Snæfríður Ingvarsdóttir leikkona, Rakel Tómasdóttir listakona, athafnaparið Guðmundur Kristján Jónsson og Heiða Kristín Helgadóttir og tískubloggarinn Pattra.