Skutu ferðamenn sem villtust á sæþotum

Landamæri ríkjanna hafa verið lokuð um langt skeið vegna mikilla deilna ríkjanna tveggja, meðal annars um yfirráðasvæði í Vestur-Sahara. Dauðsföll sem þessi þó sögð sjaldgæf á landamærunum.

Þrír mannanna fjögurra eru og voru með ríkisborgararétt í bæði Frakklandi og Marokkó. Sá fjórði er marakóskur en býr í Frakklandi. Yfirvöld þar segjast í sambandi við fjölskyldur ferðamannanna og yfirvöld í bæði Marokkó og Alsír.

Maður sem heitir Mohamed Kissi sagði héraðsmiðli í Marokkó að hann, bróðir hans og tveir vinir sem voru í fríi hefðu verið að leika sér undan ströndum bæjarins Saidia, sem er við landamæri ríkjanna tveggja. Þeir hafi þó týnst í myrkrinu og orðið eldsneytislausir og rekið til austurs.

Þá segir Kissi að hraðbát, sem á stóð „Alsír“ hafi verið siglt til þeirra og vopnaðir menn um borð í honum hafi rætt við bróður hans. Mennirnir um borð í hraðbátnum skutu svo á þá alla.

Bróðirinn dó, auk eins vinar. Hinn vinurinn særðist og var handsamaður en Kissi tókst að synda til vesturs þar sem honum var bjargað af sjóliðum frá Marokkó, samkvæmt frétt BBC.

Málið mun hafa vakið mikla reiði í Marokkó og sérstaklega eftir að sjómaður birti myndband af líki eins mannanna fljótandi í sjónum.