Innlent

Al­var­legt slys á Suður­landi

Samúel Karl Ólason og Vésteinn Örn Pétursson skrifa
Þyrla Landhelgisgæslunnar var kölluð út í mesta forgangi.
Þyrla Landhelgisgæslunnar var kölluð út í mesta forgangi. Vísir/Vilhelm

Alvarlegt umferðarslys varð við Sólheimasand á Suðurlandsvegi skömmu fyrir klukkan sjö í kvöld. Búið er að loka veginum og hefur þyrla Landhelgisgæslunnar verið send á vettvang, í mesta forgangi.

Í samtali við fréttastofu sagði Sveinn Kristján Rúnarsson, yfirlögregluþjónn á Suðurlandi, að um árekstur tveggja ökutækja hafi verið að ræða. Hann gat ekki tjáð sig frekar um slysið að svo stöddu. 

Samkvæmt upplýsingum frá Landhelgisgæslunni er þyrlan rétt ókomin á vettvang, sem er í nágrenni Péturseyjar.

Í færslu á Facebooksíðu Lögreglunnar á Suðurlandi segir að Suðurlandsvegur verði lokaður næstu klukkustundir.

Engar hjáleiðir eru framhjá slysstað og eru vegfarendur beðnir um að fylgjast með fréttum.

Umferðaröryggi Lögreglumál Landhelgisgæslan Samgönguslys Mýrdalshreppur

Mest lesið


Fleiri fréttir

Sjá meira


×

Mest lesið