Valskonur þurftu að hafa fyrir hlutunum

Leikurinn var jafn og spennandi frá upphafi til enda, en Valskonur leiddu með fjórum stigum þegar flautað var til hálfleiks og liðin gengu til búningsherbergja, staðan 31-27.

Í síðari hálfleik virtist enn ætla að ganga brösulega að skilja liðin að og var staðan jöfn, 48-48, þegar þriðja leikhluta lauk og komið var að lokaleikhlutanum.

Gestirnir í Snæfelli náðu forystunni í stöðunni 53-54, en Valsliðið sigldi fram úr á lokakaflanum og vann að lokum tólf stiga sigur, 69-57.

Téa Adams var stiga­hæst í liði Vals með 18 stig ásamt því að taka tíu frá­köst. Brook­lynn Pann­ell bætti við 15 stig­um og 12 frá­köst­um. Í liði Snæfellinga var Shawnta Shaw atkvæðamest með 17 stig og átta frá­köst