Um­fram allt að hús­gögnin þoli ís­lenskt veður­far

„Þegar Signature hóf göngu sína vorið 2003 voru vönduð, viðhaldsfrí útihúsgögn hvergi fáanleg á Íslandi. Á markaðnum voru annað hvort timburhúsgögn sem þurftu auðvitað sitt reglulega viðhald, eða gömlu, hvítu plaststólarnir og borðin sem eru auðvitað orðin barn síns tíma. Við höfum frá upphafi sett okkar áherslu á falleg, nýstárleg og viðhaldsfrí útihúsgögn sem endast,” segir Böðvar.

Skemmtilegast að vita af húsgögnunum endast vel

Böðvar talar um endingartíma útihúsgagnana, sem þola íslenska veðráttu einstaklega vel. „Það er alltaf gaman að heyra af tíu, fimmtán ára gömlum útihúsgögnum sem ennþá eru í góðu gildi. Það gefur manni staðfestingu frá fyrstu hendi að gæðin sem við leggjum svo mikið upp úr, eru sannarlega til staðar.“

Signature staðallinn

Þau útihúsgögn sem Signature býður upp á þurfa að uppfylla ákveðnar gæðakröfur. Þau eru smíðuð úr áli, sem er meðhöndlað með pólýhúðun, sem verndar álið gegn tæringu. Plastvafningur í útisófasettum og stólum er frostþolinn og UV varinn gegn geislum sólarinnar, og sessurnar eru vatnsfráhrindandi og þola þar af leiðandi vætu. Að auki hefur hefðbundnu timbri verið skipt út fyrir viðhaldsfrían gervivið í vörulínum Signature. 

„Við viljum umfram allt að húsgögnin okkar þoli íslenskt veðurfar. Þess vegna vinnum við náið með framleiðendum sem tryggja þau gæði sem við viljum bjóða okkar viðskiptavinum. Við köllum það Signature staðalinn,“ segir Böðvar.

Mismunandi þarfir viðskiptavina

Signature býður upp á ansi breytt úrval í útihúsgögnum og fylgihlutum. Allt frá stórum útisófasettum yfir í smærri lausnir fyrir svalir. „Við skilum að fólk er með mismunandi þarfir fyrir sitt heimili. Á sólpalla er fólk meira að horfa á stærri sófasett og jafnvel borð og stóla. Fyrir svalir erum við einnig með lausnir í smærri sófum, hægindastólum og bekkjum.“

Hengirólur hafa notið mikilla vinsælda undanfarin ár, og hefur aldrei verið jafn mikið úrval og þetta sumarið. „Hengirólurnar eru virkilega fallegar, og það er gaman að sjá að þær eru notaðar úti jafnt sem inni. Við erum með fimm mismunandi valmöguleika í hengirólum þetta sumarið, og hafa aldrei verið fleiri,“ segir Böðvar.

Útisófasettin eru í miklu úrvali hjá Signature, og mismunandi áherslur í hönnun gefur viðskiptavinum kost á að velja það sem passar best á þeirra sælureit. Í gegnum tíðina hafa útisófasett með vafningi notið mestu vinsældana. 

„Þetta sumarið erum við með nokkrar útfærslur á þannig sófasettum í mismunandi litum. Það skiptir miklu máli að plastvafningurinn sé bæði frostþolinn og UV varinn til að þola íslenska veðráttu. Þar stöndum við framar öðrum á markaðnum þar sem öll okkar útihúsgögn eru framleidd með þetta í huga.“

Útisófasett með álgrind og sessum eru að koma sterk inn á markaðinn. Það er léttara yfirbragð yfir þannig settum sem passa vel með nýjum byggingastílum. 

„Cube settin okkar eru það nýjasta hjá okkur. Þar er meiri áhersla á álið og sessur, án plastvafnings. Álið er meðhöndlað með pólýhúðun sem verndar það gegn tæringu. Það eru straumar og stílar í útihúsgögnum eins og annarri hönnun og Cube er frábær viðbót í vörulínuna okkar,“ segir Böðvar.

Vatnsfráhrindandi sessur breyta leiknum

Rigning er vissulega partur af íslensku sumri. Sessur í stólum og sófasettum Signature eru hannaðar sérstaklega með það í huga. 

„Sessurnar okkar eru vatnsfráhrindandi, sem þýðir að þú þarft ekki að flýta þér heim að bjarga þeim þegar byrjar að rigna. Auk þess erum við með mikið úrval af ábreiðum sem hægt er að breiða yfir húsgögnin þegar þau eru ekki í notkun. Þá geturðu alltaf gengið að útihúsgögnunum þínum hreinum og þurrum.“