Viltu bæta svefngæði þín?

Steinefnið magnesíum gegnir gríðarlega stóru hlutverki í líkama okkar. Ýmsar tegundir eru til af magnesíum sem hafa mismunandi áhrif á líkama okkar en ein þeirra er tegundin magnesíum bisglycinate. Þessi tegund hefur ýmsa góða kosti og getur m.a. hjálpað til við vöðvaslökun og andlega slökun ásamt því að bisglycinate veldur ekki hægðalosun. Magnesíum bisglycinate frá Cure Support er einstaklega þægileg vara þar sem varan er í fljótandi formi og unnin með Liposomal tækni sem gerir það að verkum að álagið á magann og meltingarkerfið er mun minna en af sambærilegum vörum. Magnesíum bisglycinate er frábær blanda fyrir einstaklinga sem lifa virkum lífsstíl og vilja styðja við heilbrigði beina og vöðva.

Fann strax mikinn mun á svefninum

Árdís Hrafnsdóttir, eigandi Mantra, hefur verið að taka inn magnesíum i fljótandi formi frá Cure Support og finnur mikinn mun á sér. „Ég byrjaði að taka inn Liposomal magnesíum frá Cure Support síðasta haust eftir ráðleggingar frá fjölskyldu sem höfðu góða reynslu af vörunni. Ég er næm fyrir stressi og þekki orðið vel inn á taugakerfið mitt og þolmörk þess. Í nóvember og desember var mikið að gera í vinnunni og stressið hátt yfir nokkurra vikna tímabil. Ég fann hvað magnesíum inntakan róaði taugakerfið og eins og jarðtengdi mig svo ég fór að taka það tvisvar sinnum á dag, fyrir svefninn og á morgnana fyrir vinnu. 

Eftir að ég hóf inntöku á vörunni fann ég strax mikinn mun á mér, hef ég ekki átt í erfiðleikum með svefn lengur en ég finn að ég sef dýpra og vakna úthvíld þegar ég tek þetta inn. Einnig finn ég að úthaldið, að vinna undir álagi jókst og ég hef verið með meiri orku þar sem svefninn er orðinn gæðameiri. Ég mæli með þessari vöru fyrir öll þau sem eru undir miklu álagi, upplifa stress og streitu. Ég fann að þetta hefur róandi áhrif á taugakerfið og hjálpar líkamanum að hvílast betur á nóttunni,“ segir Árdís.

Magnesíum skortur getur tengst svefnleysi

Magnesíum spilar mikilvægt hlutverk í að viðhalda almennu heilbrigði og efla okkur andlega sem líkamlega. Þetta gríðarlega mikilvæga steinefni spilar nauðsynlegt hlutverk í yfir 300 lífefna- og lífeðlisfræðilegum ferlum í líkama okkar en magnesíum er fjórða algengasta efnið í líkamanum. Magnesíum stuðlar m.a. að eðlilegri vöðvastarfsemi og prótínmyndun ásamt viðhaldi eðlilegra beina og tanna en jafnframt er magnesíum nauðsynlegt fyrir hjarta- og æðakerfi, alla orkuvinnslu í líkamanum sem og blóðsykursjafnvægi. 

Magnesíum hefur einnig þann kost að hafa róandi áhrif á taugakerfið og þannig slakandi áhrif á líkama og sál. Skortur á magnesíum getur verið erfitt vandamál sem getur sýnt sig í ýmsum kvillum, svo sem óeðlilegum hjartslætti, skjálfta og krampa. Merki um skort geta einnig komið fram í gegnum miðtaugakerfið þar sem skortur getur m.a. tengst svefnleysi eða eirðarleysi. Til þess að koma í veg fyrir skort er m.a. mikilvægt að borða magnesíum ríka fæðu sem og notast reglulega við góða magnesíum viðbót í formi bætiefna.

Magnesíum Bisglycinate frá Cure Support

Magnesíum frá Cure Support hefur þá sérstöðu að það er framleitt með Liposomal tækni. Liposomal eru örlitlar kúlulaga loftbólur sem samanstanda af einu eða fleiri fosfólípíðum sem eru náttúruleg lípíð eða fita. Tæknin gerir það að verkum að bætiefnið virkar hraðar og betur ásamt því að líkaminn á auðveldara með að nýta næringarefnin og ver þau fyrir efnum í meltingarkerfinu sem geta haft áhrif á upptöku. Upptakan verður mun skilvirkari og tryggir tæknin hámarks nýtingu og upptöku næringarefnanna í líkamanum. Magnesíum bisglycinate frá Cure Support er frábær kostur fyrir öll þau sem vilja hámarka slökun og bæta svefngæði til muna.