Fótbolti

Aron Einar valinn en enginn Gylfi í hópnum

Ingvi Þór Sæmundsson skrifar
Aron Einar Gunnarsson lék síðast með landsliðinu fyrir ári síðan.
Aron Einar Gunnarsson lék síðast með landsliðinu fyrir ári síðan. vísir/hulda margrét

Åge Hareide, þjálfari íslenska karlalandsliðsins í fótbolta, hefur tilkynnt hópinn fyrir síðustu leikina í Þjóðadeildinni. Aron Einar Gunnarsson kemur aftur inn í íslenska hópinn en Gylfi Þór Sigurðsson verður ekki með.

Ísland mætir Svartfjallalandi 16. nóvember og Wales þremur dögum síðar. Báðir leikirnir fara fram ytra. Hareide valdi 24 leikmenn í íslenska hópinn fyrir leikina tvo.

Aron Einar, sem er nýgenginn í raðir Al-Gharafa í Katar er í hópnum en hann spilaði síðast með landsliðinu fyrir ári síðan.

Gylfi, sem er markahæsti leikmaður landsliðsins frá upphafi, er ekki í hópnum. Hann var valinn í hópinn fyrir heimaleikina gegn Wales og Tyrklandi en spilaði aðeins sex mínútur í þeim.

Einn leikmaður í íslenska hópnum hefur ekki spilað landsleik; markvörðurinn Lúkas J. Blöndal Petersson sem leikur með Hoffenheim í Þýskalandi. Hann hefur leikið tuttugu leiki fyrir yngri landslið Íslands.

Íslenski hópurinn

Markverðir:

  • Elías Rafn Ólafsson - FC Midtjylland - 6 leikir
  • Hákon Rafn Valdimarsson - Brentford F.C. - 15 leikir
  • Lúkas J. Blöndal Petersson - TSG 1899 Hoffenheim

Aðrir leikmenn:

  • Kolbeinn Birgir Finnsson - FC Utrecht - 14 leikir
  • Logi Tómasson - Stromsgodset - 6 leikir, 1 mark
  • Daníel Leó Grétarsson - SonderjyskE - 22 leikir
  • Aron Einar Gunnarsson - Al-Gharafa - 103 leikir, 5 mörk
  • Guðlaugur Victor Pálsson - Plymouth Argyle F.C. - 45 leikir, 2 mörk
  • Sverrir Ingi Ingason - Panathinaikos F.C. - 53 leikir, 3 mörk
  • Valgeir Lunddal Friðriksson - Fortuna Düsseldorf - 13 leikir
  • Alfons Sampsted - Birmingham City F.C. - 22 leikir
  • Ísak Bergmann Jóhannesson - Fortuna Düsseldorf - 29 leikir, 3 mörk
  • Júlíus Magnússon - Fredrikstad FK - 5 leikir
  • Arnór Ingvi Traustason - IFK Norrköping - 61 leikur, 6 mörk
  • Stefán Teitur Þórðarson - Preston North End F.C. - 23 leikir, 1 mark
  • Jón Dagur Þorsteinsson - Hertha BSC - 40 leikir, 6 mörk
  • Mikael Egill Ellertsson - Venezia FC - 17 leikir, 1 mark
  • Jóhann Berg Guðmundsson - Al-Orobah - 97 leikir, 8 mörk
  • Mikael Neville Anderson - AGF - 31 leikur, 2 mörk
  • Willum Þór Willumsson - Birmingham City F.C. - 13 leikir
  • Brynjólfur Andersen Willumsson - FC Groningen - 2 leikir, 1 mark
  • Andri Lucas Guðjohnsen - K. A. A. Gent - 28 leikir, 7 mörk
  • Orri Steinn Óskarsson - Real Sociedad - 12 leikir, 4 mörk
  • Sævar Atli Magnússon - Lyngby Boldklub - 5 leikir
Þjóðadeild karla í fótbolta Landslið karla í fótbolta

Mest lesið


Fleiri fréttir

Sjá meira


×

Mest lesið